მედარეა მოგითხრობთ გულის მიტრალური სარქველის ხელოვნური სარქველით ჩანაცვლებაზე. აღნიშნული სარქველი არის სისხლის ერთი მიმართულებით გამტარი მარცხენა წინაგულიდან მარცხენა პარკუჭში. სარქველის დაზიანება კომპლექსური იყო, ის ვერ ასრულებდა ორ ძირითად ფუნქციას -- სისხლის საჭირო რაოდენობით გატარებას და ასევე სისხლის მხოლოდ ერთი მიმართულებით მოძრაობის უზრუნველყოფას..
ასეთი პათოლოგიის დროს ორი ტიპის ხელოვნურ სარქველს იყენებენ იმპლანტაციისთვის -- ერთი არის მექანიკური, ხოლო მეორე ტიპის სარქველი ორგანულია და იგი როგორც ადამიანის, ისე ცხოველის გულის სარქველებისგან მზადდება. ოპერაცია ჩაფიძის სახელობის გადაუდებელი კარდიოლოგიის კლინიკის კარდიოქირურგმა ზვიად ბახუტაშვილმა ჩაატარა.
